Azərbaycan İnformasiya Agentliyi (AİA)


Kərəm Həsənovun yeni biznesi- KOMİTƏ SƏDRİ HƏM DƏ ŞÜŞƏ YUYULMASI İŞİNƏ BAXIR


Kərəm Həsənovun yeni biznesi- KOMİTƏ SƏDRİ HƏM DƏ ŞÜŞƏ YUYULMASI İŞİNƏ BAXIR
Azərbaycanın ayrı-ayrı nazirlik və komitələrinə rəhbərlik edən şəxslərin vəzifə səlahiyyətlərindən istifadə edərək, özlərinə kənarda biznes qurması adi haldır.
Demək olar ki, ölkənin bütün nazir və komitə rəhbərlərinin hər birinin holdinqi var. Belələrindən biri də Əmlak Məsələləri Üzrə Dövlət Komitəsinin sədri Kərəm Həsənovdur. Uzun illər MTN rəhbəri Eldar Mahmudovun çətiri altında girən Kərəm Həsənov rəhbəri olduğu komitəni korrupsiya və rüşvət yuvasına çevirərək, həm də ölkənin tanınan holdinqlərindən birinə –“AZİNKO” holdinqə sahibdir. Adıçəkilən holdinqin xidmət sahələri ilə bağlı Gununsesi.info-nu məlumatlandıran mənbə Kərəm Həsənovun paytaxdakı hündür mərtəbəli şüşəli binaların təmizliyi ilə məşğul olan firma yaratdığını bildirib. Onun sözlərinə görə, artıq şüşəli binaların təmizlənməsi ilə məşğul olan Kərəm Həsənov başqa firmaları bazardan çıxarır: “Burada söhbət külli miqdarda vəsaitdən gedir. Bakıdakı otellərin, bankların və digər ictimai obyektlərin üzünün təmizlənməsi böyük məbləğdə vəsait deməkdir. Bir neçə firma vardı ki, bu işləri həyata keçiridi. İndi Kərəm Həsənov həmin obyektlərə müraciət edib ki, başqa firmalarla işləməsinlər”.


0 0



Şərhlər (Facebook)