Azərbaycan İnformasiya Agentliyi (AİA)


Milyonçu şairin tutdurduğu iş adamı azadlığa çıxır? - 12 milyonluq qalmaqal yenidən gündəmdə


Milyonçu şairin tutdurduğu iş adamı azadlığa çıxır? - 12 milyonluq qalmaqal yenidən gündəmdə

12 il həbs cəzası alan "Sahil-D” və "Real” MTK-ların sahibi İlham Qasımov ev dustaqlığına buraxıla bilər.

Bu barədə BakuPost.az-a iş adamının əməllərindən zərər çəkən Səbinə Əlizadə adlı şəxs məlumat verib. Onun sözlərinə görə, vətəndaşlara külli miqdarda ziyan vurmaqda təqsirili bilinən İ.Qasımovun dəmir barmaqlıqlar arasından çıxması üçün hazırlıq prosesinə başlanılıb: "İlham Qasımov bir müddət xəstəlik bəhanəsiylə Ədliyyə Nazirliyinin Penitensiar Xidmətinin hospitalında qalıb. Sonra onu cəzaçəkmə müəssisəsinə göndəriblər. Plana görə onu yenidən xəstəliyinin şiddətlənməsi bəhanəsi ilə Penitensiar Xidmətin hospitalına qaytaracaqlar. Burada da bir müddət qaldıqdan sonra məhkəməyə vəsatət verərək onun xəstəliyinin dözülməz olduğunu əsaslandırıb ev dustaqlığına buraxılmasına çalışacaqlar. Hətta qohum və yaxınları zərərçəkmişləri sakitləşdirmək üçün şayiə buraxıblar ki, İlham Qasımov evə buraxılan kimi hamının pullarını qaytaracaq...”

Qeyd edək ki, İlham Qasımov tanınmış iş adamı, milyonçu, şair Gülağa Tənhanın şikayəti əsasında həbs olunub. Şikayətçi MTK rəhbərinin ona 12 milyon "atdığını” sübut edib. Bakı Ağır Cinayətlər Məhkəməsinin hökmü ilə 15 il iş verilib. Sonradan Apellyasiya instansiyasında cəzası 12 ilə endirilib. Onu da bildirək ki, İlham Qasımov həbs olunmamışdan öncə Diaspor Komitəsinin sədri Nazim İbrahimovun qardaşı Sahib İbrahimovla yaranan pul davası və məhkəmə çəkişməsi ilə gündəmə gəlmişdi.


0 0



Şərhlər (Facebook)