Azərbaycan İnformasiya Agentliyi (AİA)


Bakıda iranlı həkimdən insanlıq dərsi


Bakının Səbail rayonunda orta yaşlı kişi bıçaqlanıb.

"Report" xəbər verir ki, hadisə Bayıl qəsəbəsindəki bazarın yaxınlığında qeydə alınıb.

1983-cü il təvəllüdlü Kərimov Emin İlqar oğlunun mobil telefonuna tanışı tərəfindən zəng daxil olub və o, Emindən bayıra çıxmasını istəyib.

Zəng əsasında bayıra çıxan E. Kərimova hazırda məlum olmayan səbəblərdən iki bıçaq zərbəsi vurulub. Zərbə E.Kərimovun ayağındakı damara düşüb. O, çoxlu qan itirməyə başlayıb. Lakin bu zaman ərazidən keçən Bakıdakı özəl klinikalardan birinin İran əsilli həkimi ona ilkin tibbi yardım göstərərək "təcili yardım" vasitəsilə xəstəxanaya aparıb.

Faktla bağlı Səbail Rayon Polis İdarəsinin 8-ci Polis bölməsinin əməkdaşları araşdırmaya başlayıb. İlkin məlumata görə, hadisəni törədən şəxs sərxoş vəziyyətdə olub.


0 0



Şərhlər (Facebook)